أهالي الجنوب… صامدون رغم كل ما يحصل

أهالي الجنوب… صامدون رغم كل ما يحصل
بعد عملية "طوفان الأقصى" بـ7 تشرين الأول الماضي، والأحداث الدموية والجرائم الوحشيّة اللي اُرتكبت وما تزال بغزة، توجّهت الأنظار نحو الجنوب اللبناني، اللي ما بيسلم من التهديدات والانتهاكات، وبكل عرس إلو قرص. وبالواقع، الجنوب اللبناني عم يعيش حاليا حالة حرب، ولو انها غير معلنة.
القرى الحدودية عم تشهد نزوح مُتزايد إلى المدن الأكبر والأكثر أمان بسبب تمدد رقعة الاشتباكات. وبحسب ما أعلنت الأمم المتحدة الشهر الماضي، حوالى 22 ألف شخص نزحوا من مناطق غير آمنة، وتركّزوا بصور وصيدا وجبل لبنان وبيروت. ورغم الشعور بالجنون والإحباط والغضب والحزن، اللي بيتملّك فينا كلّنا وبيمزّق قلوبنا بسبب كلّ المشاهد والصور اللي عم نشوفا بغزة، ورغم القلق والخوف من انّو تتطوّر المواجهات وتتّسع رقعة الحرب، كتار من أهالي الجنوب بعدُن صامدين ببيوتن ورافضين يتخلّوا عنّا. وحتى اللّي تركوها، بيأكّدوا إنّن راجعين يعيشوا بأرضن بكرامتن لو شو ما صار!
بحلقة الليلة من "حقّك بإيدك"، رح نسمع من أهل الجنوب شهادات حيّة لحياتن، هنّي رح يشرحولنا شو يعني تكون من الجنوب، وتعيش وتتعلّم وتكبر بالجنوب. رح يحكولنا عن صمودن ومعاناتن وأحلامن، ويشاركونا تجاربن بالحرب والسلّم.
محمد حايك، المؤثر الاجتماعي، أهلا وسهلا فيك، حنان حسن كَعور، أهلا وسهلا فيكي، ورح ينضموا إلنا بالجزء التاني رئيس بلدية عيتا الشعب محمد سرور، والمواطن لويس صبحي ناصيف. ضيوف الحلقة:
محمد حايك حنان حسن كَعور
رئيس بلدية عيتا الشعب محمد سرور
لويس صبحي ناصيف #حقك_بإيدك
#OTVLebanon #OTVNews