بالماضي، كانوا الناس يتجنّبوا ويخافوا كتير من زيارة طبيب الأسنان، وكان لما يشعر كل شخص بوجع بسنانو، أول شي يفكر فيه هو "خلع" أسنانه ليخلص من همّن. ولكن، مع الوقت، وتطوّر الطب، صارت الوقاية وزيارة عيادة الأسنان بشكل دوري، أمر أساسي، الى جانب طبعاً حالات الطوارىء. واليوم، بعصر الذكاء الاصطناعيّ والتحوّل الرقمي اللّي تغلغل بكل المجالات والقطاعات، ومن ضمنها مجال طب الأسنان، وبوقت تحوّل هوس الجمال حالة اجتماعية بتستند لخطوط الموضة وأسلوب حياة المشاهير، صارت الابتسامة الرقمية، حلم بل هاجس الجميع، كبار وصغار، يعني صارت موضة العصر، بعد التطور الكبير الحاصل بطب الأسنان التجميلي، واللي من خلاله أصبح تحقيق هالحلم سهل المنال عبر أهم وأسرع التقنيات الحديثة والابتكارات التجميلية المتوفرة بلبنان.
بحلقة الليلة من "حقك بإيدك" رح نتطرّق للثورة اللي عم يعملها الذكاء الاصطناعي بعالم طب الاسنان، والاقبال الكبير على تجميل الاسنان ومنها الضرورة، ومنها المبالغ فيه لدرجة الهوس احيانا، اذا صح التعبير، مع طبيبين اختصاصيين بجراحة وتجميل الاسنان. بالجزء الأول معي الدكتور ميشال متّى الاختصاصي بجراحة وطب الاسنان، وبالجزء الثاني رح يكون معنا الدكتور الياس أبو طايع الاختصاصي بطب تجميل الأسنان. #حقك_بإيدك #OTVLebanon #OTVNews
Categories