غير إنو خيّ ورفيق وصديق عمر وزميل، تعمَّدنا سوا بحبر الصَّحافي مع تالتنا اللي فارقنا بيار القاضي، وغير إنو سوا منكتب أوقات قصيدي واحدي، وغير إنو قدَّيش شعرو فيه قناديل وقمار وشموس، بيحبّ يضل بعيد عن الضَّو،وغير إنو شاعر كبير وحلو بتسرِّح القوافي شِعرا قدّام مراية روحو. هو كمان الشاعر الخامس بحياتي اللي بعرفو كلّو، بكلّ كلمي كتبا، بعد سعيد عقل وميشال طراد وموريس عواد وجوزف حرب.خريج كلية الإعلام بالجامعة اللبنانيي، وتولى مناصب تحريريي بمؤسسات لبنانيي وعربيي ودوليي. خلق شاعر، وبرصيدو أربع دواوين: "قبلة على السَّطر"، "شالُ الغمام"، "من ذاك الصَّدى"، "قليلٌ من عينيك"… وكتاب عنوانو "الإعلام بين الحدث والحداثة"، اللي بيقراه بيتخرَّج صحافي بدرجة ممتاز، وع الطريق كم كتاب غزل بعد، وكتاب عن تجربتو الطَّويلي بالسِّياسي، عنوانو "آخر الموارنة".تحت عنوان "قصيدةٌ بقلم شاعرين"، بيستضيف نقطا فاصلي، بحلقة اليوم، الخيّ والصَّديق والزَّميل الشَّاعر أنطوني العبد جعجع. أهلا فيك. #نقطة_فاصلة #OTVLebanon #OTVNews
Categories