الأمومة منّا رفاهية… الأمومة مسؤولية، حب وتضحية. لكنها أيضًا حق، حق بالحماية، بالدعم، وبقانون بيُنصف الأم وما بيعاقبها! بلبنان، معارك يومية للحفاظ على حقوقهن وسط قوانين لا تعترف بحجم تضحياتهن. من إجازة الأمومة غير الكافية، لغياب الدعم والحماية القانونية للأمهات العازبات والمطلقات. فبين العمل، التربية، وضغوط المجتمع، هل عم تحصل الأمهات على الحد الأدنى من حقوقهن؟ أم أنهن عم بيواجوا هالمعركة وحدهن؟ بحلقة الليلة، منسلط الضوء على معاناة الأمهات بلبنان، ومنسأل: هل الأمهات عم تحصل على الدعم الكافي من القوانين اللبنانية؟ هل إجازة الأمومة كافية؟ وشو بالنسبة للأمهات العازبات والمطلقات؟ كيف منقدر نحسّن أوضاعهن؟ وأيمتن رح يصير حق الأم مقدس مش قضية بتتطلّب نضال مستمر؟ ومعنا في الاستوديو:
• ديالا أبو نادر، وهي أرملة وأم لولدين رح تخبرنا عن تجربتها مع الأمومة والعمل.
• الأستاذ جورج الريس، المحامي بالاستئناف في نقابة المحامين في بيروت، ليطلعنا على الجوانب القانونية لحقوق الأمهات.
ورح تنضم إلنا بالجزء التاني المساعدة الاجتماعية بجمعية "أبعاد" نادين عزام، اللي رح تحدثنا عن التحديات النفسية والاجتماعية اللي عم تواجهها الأمهات. #حقك_بايدك #OTVLebanon #OTVNews
Categories