لما سيارة تنسرق والكاميرات توثق الجريمة، والمجرم ينفد بعملتو،
لما جزدان ينختفي بوضح النهار، والدليل موثّق، وما حدا يتحرك،
لما مسلسل الجرائم والسرقات بيستمر من دون رادع أو محاسبة،
لما الدولة تكتفي بتدوين التقرير، والقانون يضل حبر عاورق،
منسأل حالنا… نحنا بأي بلد عايشين؟
بحلقة الليلة من "حقك بإيدك"، منوجّه صرخة… باسم كل مواطن خسر شي أو شخص عزيز عا قلبو، وما حدا سأل فيه.
الليلة، منقولها بصوت عالي: نحنا مش أرقام… نحنا ناس، إلنا حقوق، ومنرفض نعيش بخوف. ورح نضل نرفع الصوت تيصير حقنا بإيدنا.
بحلقتنا الليلة، رح نستقبل ضيوف عانوا شخصيًا من جرائم سرقة، رح نعرض مشاهد حقيقية التقطتها الكاميرات، ونفوت بعمق مع خبراء وقانونيين ، لنفهم أكتر شو عم يصير ببلدنا، وليش المواطن اللبناني صار خيفان حتى من ظلّو.
رحّبوا معي مشاهدينا بـ: ماري – تيريز الحدّاد، معي بالأستديو وعبدو ديب عبر زوم، ليخبّرونا عن الجريمة اللي تعرّضولها، والمحامي بالاستئناف بنقابة المحامين ببيروت الأستاذ جورج الرّيّس، والأستاذة بالتنمية الاجتماعية والاقتصادية ميراي صليبا عوّاد. #حقك_بايدك #OTVLebanon #OTVNews
Categories