الليلة، رح نحكي عن موضوع صار حديث العالم… موضوع بيخوّف البعض، وبيحمّس البعض التاني… الذّكا الاصطناعي!
من روبوتات بتحكي وبتفكّر، لبرامج بتكتب وبتصمّم أسرع من أي إنسان… الذكاء الاصطناعي ما عاد خيال علمي، صار واقع بل ثورة بحياتنا اليومية، بقراراتنا، وحتى بمستقبل شغلنا! بس السؤال الكبير: هل نحنا مستعدّين لهالمستقبل؟ ولّا بعدنا مش مستوعبين شو جايينا؟ هل الذكاء الاصطناعي رح يساعدنا ولّا رح يسرق وظائفنا؟ كيف ممكن نضمن إنّو يضلّ بتصرّفنا وما يصير خطر علينا؟ شو تأثيرها القانوني والأخلاقي على المجتمع؟ وشو القوانين اللي ممكن تحمينا من سوء استخدامه؟
كل هالأسئلة رح نناقشها بحلقة الليلة من "حقك بإيدك" مع نخبة من الخبراء اللّي رح يقدمونلنا رؤى تحليلية حول الذكاء الاصطناعي وتداعياته، لنحاول نرسم صورة أوضح عن مستقبلنا مع الذكاء الاصطناعي! رحّبوا معي مشاهدينا بضيوفي بالأستديو: الأستاذ المحاضر في الذكاء الاصطناعي المحامي الياس غانم، ومستشار تكنولوجيا المعلومات والاتصالات المهندس عامر الطبش، ورح ينضم النا عبر زوم خبير تكنولوجيا المعلومات ومنسّق استراتيجيّات التحوّل الرقمي رودي شوشاني. #حقك_بايدك #OTVLebanon #OTVNews
Categories