الروبوتيكس هو مستقبل العلم والبشرية، فكيف يساهم ابناء طرابلس في تطويره وادخاله في المناهج التربوية؟

مدينة طرابلس الفيحاء، عاصمة لبنان التانية، ورغم انّها فقيرة ومُهمَلة، ومواردها ومرافقها الإستراتيجية مشلولة ومعطّلة، مش بس انتُخبت عاصمة الثقافة العربية للعام 2024، بل هي اليوم عم بتضوّي بولادها، جيل المستقبل اللي عم يأكّدوا مرة جديدة انّا شعب بيتحدّى وبيتخطى الصعوبات وبيواكب العصر، أطفالها وشبابها، اللّي كانت مدارِسُن سبّاقة بإدخال أنشطة الروبوتيكس على المناهج التربوية، بالتعاون مع مؤسسة "تريبولي روبوتيكس" التربوية، واللّي اتّوّجوا، ومن بينهم تلاميذ من ذوي الاحتياجات الخاصّة، على مسرح المبتكرين والمخترعين بشهر تشرين الأول الماضي، بِحَدث بيوضع لبنان على الخريطة العالمية، بتنفيذُن "خريطة ذكية لثروة طرابلس الثقافية" لتقديم حلول لبنى تحتية سياحية ذكية، من خلال الروبوتات وبرمجة الذكاء الإصطناعي.
وبحلقة الليلة من "حقك بإيدك"، رح نشوف كيف ابناء طرابلس، من عمر الخمسة للـ15 سنة، نجحوا بإنّو يثبتوا قدرتن على مواكبة العصر والتطور، ويبرهنوا للعالم انّو طرابلس غنيّة، مش بس بتراثها اللي هو الأغنى على الحوض الشرقي للمتوسط، بل أيضا بطاقات أبنائها وابداعاتُن الخلّاقة! #otvnews #otvlebanon #حقك_بإيدك