السرطان لم يعد حكمًا بالموت… نسبة الشفاء تتجاوز 80%

مسا الخير،
بالحياة، في معارك ما منختار نخوضها بل هي بتختارنا! ومن بين أصعب هالمعارك: السّرطان! هيداك المرض، اللي بيحمل معو الخوف، الألم وأحيانا اليأس… لكنه أيضا بيحمل بطيّاته قصص كفاح، صمود، ايمان وانتصار!
والليلة، بمناسبة اليوم العالمي للسّرطان، اللّي صادف يوم الثلاثة بـ4 شباط الماضي، رح نسلّط الضوء على واقع المرضى بلبنان، بين التحديات اللي بيواجهوها، والأمل اللي بيتمسّكوا فيه. رح نناقش الوضع الصحي مع الخبراء، ولكن كمان رح نستمع لشهادات حياة عن الألم، وأيضا شهادات حيّة عن الارادة اللّي ما بتنكسر، رح نتشارك لحظات مؤثّرة لأشخاص قرّروا انو يكونوا النور بحياة الآخرين،"لأنو السّرطان منّو حكم بالإعدام، بل هو اختبار لقوة الانسان، هو معركة يمكن الانتصار فيها بالإرادة، بالعلاج، والدعم! ولأنو "حقكن بإيدكن" وحقّكن بالحياة كمان!".
رحبوا معي مشاهدينا بضيوفي بالأستديو:
د. إسماعيل سكرية، رئيس الهيئة الوطنية الصحية، للحديث عن وضع مرضى السرطان في لبنان، الصعوبات التي تواجههم، والحلول الممكنة، ومعنا كمان الصبية ماريان بعقليني، 25 سنة، اللي أصيبت مؤخرا بمرض السرطان للمرة الثانية وهي عم تخضع حالياً للعلاج لتشاركنا تجربتها وتحدياتها.
ورح ينضم إلنا بالجزء التاني الشب سامر أبي خليل، اللي أُصيب بالسرطان لما كان عمرو ٦ سنين، وكان وضعه الصحي خطير، لكنه تغلب عليه وهو اليوم شاب يبلغ 26 عاماً ومتزوج، سامر رح يشاركنا تجربته واللي هي success story وكيف أخد حقو بإيدو، ورح نحكي معو عن أهمية الدعم النفسي لمرضى السرطان.
ورح يكون معنا عبر زوم: د. جان الشيخ، الطبيب المتخصص بالأمراض السرطانية، ليطلعنا على آخر التطورات الطبية والعلاجات المتاحة #OTVLebanon #OTVNews
#حقك_بايدك