بداية جديدة من تحت الأنقاض: لبنان بين الصّمود والأمل! أيام معدودة بتفصلنا عن نهاية العام الحالي وبداية عام جديد، كلّنا أمل انّو يحمل معو الخير والسّعادة للجميع! ولأنّو ليلة رأس السنة منّا فقط مناسبة للاحتفال، بل فرصة للتأمل، للمراجعة، ولنزرع الأمل بقلوبنا من جديد حتى بأصعب الظروف ، خصّصنا الحلقة للإضاءة على جهود الإنقاذ والإعمار، والاستماع لتجارب وقصص ميدانية تركت بصمات ما بتنتسى. فلبنان اللي عانى الحرب الأخيرة بكل ألمها ودمارها، بيبقى نموذجًا للصمود والإصرار على الحياة! وبين كل مين عم بيخاطر بحياته لإنقاذ الآخرين، وكل مين يوضع خبراته لإعادة البناء من جديد، بتبرز قصص أبطالنا كمنارات عم تشعّ أمل وسط الظّلمة. رحّبوا معي مشاهدينا بضيوفي بالأستديو: رئيس شعبة العلاقات العامة بفوج إطفاء بيروت النقيب علي نجم، ليشاركنا قصص من قلب الميدان ويخبّرنا عن دور فوج الاطفاء المحوري خلال وبعد الحرب، وبالمهندس رشيد توفيق غانم، اللّي رح نحكي ومعو عن دور الهندسة ببناء مستقبل أفضل للبنان.
كما رح يكون معنا مداخلة خاصة عبر زوم مع الاختصاصية الاجتماعية والخبيرة في الحماية الأسرية رنا غنوي. #حقك_بايدك #OTVLebanon #OTVNews
Categories