“بيخلق من الشبه أربعين…”

هل سبق وقابلتوا حدا وحسّيتوا أنكن بتعرفوه أو التقيتوا فيه من قبل؟ وكم من مرة سمعتوا من أشخاص تعرّفتوا عليهن، عبارة "وجهك مألوف" أو "بتشبه حدا بعرفو كتير". طيب هل حصل وجمعتكن الصدفة بشَبيهكن؟ وشو كان شعوركن بهاللحظة؟ بيقول المثل: "بيخلق من الشّبه أربعين"، يعني كل شخص منّا عندو عالكرة الأرضية، بشي مكان، أقلّة توأم خفي واحد، اذا ما كانوا أربعين!!
واللافت انّو شبيهكن أو الشبيهِين فيكن (اذا صح التعبير) معقول يكونوا بآخر وأبعد مطرح بيخطر عبالكن، يعني ما بيجمعكن فيون اي شي مشترك أو صلة قرابة.. ولكن الشبه الكبير لدرجة التطابق، خاصّة بأحد المشاهير، بيعطي صاحبه أيضاً الشهرة ومحبة الناس، وبنفس الوقت ممكن يعرّضه لمضايقات من الآخرين لأنو بيشبه شخصية يمكن ما بيحبّبوها!
شو التفسير العلمي لتشابه أشخاص ما بتجمعن اي صلة قرابة؟ والى اي مدى هالتشابه ممكن يكون نعمة لهالاشخاص؟ ومتى بيكون نقمة؟ رحّبوا معي مشاهدينا بضيوفي بالاستديو: الإعلامية سازديل شبيهة الشخصية الشهيرة كيم كارديشين، اختصاصي جراحة نسائية، توليد وعقم د. سافيو بركات والمعالجة النفسية آني بربريان. #حقك_بإيدك #OTVLebanon #OTVNews