حقّك بإيدك – ماذا وراء أحداث الطيونة مع الوزير العميد مروان شربل

حقّك بإيدك – ماذا وراء أحداث الطيونة مع الوزير العميد مروان شربل مداخلة عبر زوم لمديرة مدرسة نوتردام فرير فرن الشباك كلير سعيد مسا الخير،
ما عم بيروح من بال اللبنانيين مشاهد التلاميذ بعين الرمانة وفرن الشباك وبدارو المختبئين تحت مقاعد الدراسة، أو مفترشين الأرض بالكوريدورات والطوابق السفلية بالمدرسة، أو هربانين بالشوارع، وخايفين… مرعوبين من أصوات الرصاص والقذايف والقنابل!! أطفال بريئين، كل اللي شاغلن او مفروض يشغلُن هو انو يلعبوا ويدرسوا ويكبروا.. ويحلموا وبس! مش يعيشُوا هنّي كمان، اللي عشناه نحنا بالحرب، عا مدى 15 سنة!! شو ذنبُن هنّي يدفعوا ثمن أغلاط الكبار؟ ساعات قليلة كانت كافية بتحويل منطقة الطيّونة وشوارع عين الرمانة وبدارو، لساحة حرب حقيقية، رجّعتنا 46 سنة لورا.. لحرب الشوارع، وقناصّة السّطوح، وخطوط التماس، وقتل الأبرياء ببيوتن، والتهجير من حي لحي! مبارح كنا أمام المشهدية نفسها والسيناريو نفسه اللي عاشوه اللبنانيين بـ 13 نيسان 1975.. الفرق الوحيد هالمرة، إنّو بوسطة عين الرمانة مش هي اللي كانت وراء تفجير شارع بوجه شارع، بل كان على خلفيّة السجال حول استمرار قاضي التحقيق بانفجار مرفأ بيروت طارق البيطار، بمهامو أو كف يدّو عن الملف.
اللي صار مبارح، معقول يتكرّر كلّ لحظة، بظل وجود السلاح المتفلّت بأكثر من منطقة.. خلص بقا! فوق كلّ الضغوطات الاقتصادية المالية الاجتماعية والصحية، ما بقا قادرين نتحمّل مصايب ولا ندفع أثمان من حياتنا! تعبنا قرفنا، قسم كبير فلّ أو بدّو يفلّ، ويمكن ما يرجع! يا جماعة، ما لحقنا ننسى بعد اللي صار فينا، والتمن الغالي اللي دفعناه وبعدنا عم ندفعه كل يوم! شو بعدنا ناطرين؟ #OTVLebanon
#OTVNews
لمتابعة آخر التطورات السياسية ومشاهدة جميع برامجنا القديمة والجديدة، إضغط على الرابط أدناه:
otv.com.lb
وتابعونا عبر الحسابات التالية:
Twitter: @OTVLebanon
Instagram: @OTVLebanon
Facebook: www.facebook.com/otv.com.lb/