حلقة خاصّة من أجواء عيد الميلاد المجيد، بتجمع بين الأمل والعمل، رح نحتفل معكم خلالها بروح المحبة ورسالة العطاء اللي بتجسّدها هالمناسبة. فعيد الميلاد منّو مجرد احتفال، بل هو رسالة إنسانية عميقة بتذكّرنا بأهمية انو نوقف إلى جانب بعضنا البعض، خصوصا بالأوقات الصعبة اللي عم يمرق فيا وطننا لبنان.
وقدّيش حلو وعظيم لما منلاقي انّو الأمل دائماً موجود، على الرغم من الصّعوبات والتحدّيات اللّي عاشوها اللبنانيون خلال الفترة الماضية، وخاصةً بفضل جهود أشخاص وجمعيات آمنت برسالتها الإنسانية وعم تشتغل ليل نهار، من دون ملل أو كلل، لمساعدة كل شخص قسيت عليه ظروف الحياة.
وبوقت عم نستعد فيه لاستقبال عيد الميلاد، رح نسلّط الضو الليلة على قصص كلّها أمل وتضامن إنساني، قصص بتأكّدلنا انّو الخير بعدو موجود بيننا. وبيسعدنا بهالسياق نستضيف اليوم شخصيتين برزوا بمجال العمل الإنساني وعم بيكرّسوا وقتهم وجهودهم لتقديم الدعم والمساعدة لكل محتاج. رحّبوا معي مشاهدينا، بضيوفي بالأستديو رئيس كاريتاس لبنان، الأب ميشال عبود، ومؤسّس ورئيس مؤسسة عامل الدّولية الدكتور كامل مهنا. ورح يكون معنا بمداخلة عبر زوم كاهن رعية مار جرجس القليعة الأب بيار الراعي. رح نتحدّث معن الليلة عن المبادرات الإنسانية الاستثنائية التي بادروا فيا لدعم النازحين اللبنانيين من الجنوب خلال الحرب الأخيرة، واللي أكيد ما وقفت مع انتهاء الحرب، وكيف نجحوا بتجسيد معاني الميلاد من خلال هالمبادرات، اللّي بتشكّل مثال يُحتذى به لبناء مستقبل أفضل للبنان، وكيف منقدر كمجتمع انّو نستمد من روح الميلاد الدروس والعِبر اللي بتجعلنا أكثر قوة وترابط.
#حقك_بايدك
#OTVLebanon #OTVNews
Categories