هـ المقدمي الطويلي جزء من قصيدي أطول بتختصر بالشعر تاريخ الموارني. وليش الموارني؟ وليش اليوم؟ كل الحق ع حنا دياب، الماروني إبن حلب، اللي كان إلو دور كبير بحكايات ألف ليلي وليلي، من بدايات القرن التامن عشر، وضل إسمو مغمور ت نفض ضيف الحلقا الغبرا عن قصتو، وقدَّما بكتاب من ضمن سسلسة "منسيون"، الصادر عن "دار الهالة" التونسيي. ومش أول كتاب عن الموارني بيصدرو الضيف، سبقو "البطريرك مسعود"، و"المارونيا هوية في خطر"، و"حي الصنوبرة"، الحي المعروف بضاحية بيروت الشرقيي، وبتختصر قصتو قصة حرب لبنان. وزيد ع مألفاتو، هو الصحافي العتيق المتمرس بالعمل الإعلامي وبالمسؤوليي الإداريي، بأهم الإزاعات، ودارس الفلسفي والمتخصص بالتاريخ الوسيط، "مقدمة في فكر جبران السياسي"، و"كارثة الشرق الأوسط، أوروبا مذنبة أم متورطة"؟ وزيد كمان إنو شاعر صدرلو لليوم تلات دواوين: بنت الشعر، رسائل إلى عينيك، عطش تشرين. نقطا فاصلي وتحت عنوان: الموارني من مسعود لحنا، بيرحب بالصحافي الكاتب الصديق سليم بدوي.
#otvlebanon #otvnews #نقطة_فاصلة
Categories