كاريتاس تحت شعار “إيمان. إنسان. لبنان” تعرفوا على رسالة المحبة, العمل والخدمة

كاريتاس تحت شعار "إيمان. إنسان. لبنان" تعرفوا على رسالة المحبة, العمل والخدمة
في بلد تعب، وإنسانه صار حامل همّو بصمت، الصحة ما بقت بس ملف طبي أو وصفة… صارت وجع يومي، عبء على العيلة، حلم مؤجَّل عند كتار.
في ناس بتتوجّع وما معاها ثمن دوا، في أم بتخاف يمرض ابنها لأنّو ما عندها قدرة تعالجه، وفي مسنّ ناطر زيارة من حدا يطمن عليه… ببلدنا، صرنا نحكي عن الصحة كأنها رفاهية، مش حق.
بس بـ لبنان، بعد في ضوّ.
كاريتاس، مش بس جمعية… هي حضن، هي أمان، هي إنسان عم يمدّ إيدو بوقت الكلّ عم يسكّر بوابو.
تحت شعار "إيمان. إنسان. لبنان"، أطلقت رابطة كاريتاس حملتها للصوم لسنة 2025، لتحمل معا رسالة محبة، وعمل، وخدمة بتلامس أضعف الناس وأكترهم حاجة.
اليوم بحلقتنا من "حقك بإيدك"، رح نفتح ملف الصحة، ونتعرّف على كل شي عم ينعمل بالمراكز الصحية التابعة للرابطة، بالحملات، وبالميدان.
رح نسمع من ناس واقفين بالخط الأول… من الأطباء، الأخصائيين، والمشرفين… من الناس يلي عم تحاول، رغم كل شي، تبني فرق بحياة مريض، طفل، مسنّ، أو إنسان موجوع.
لأنّو صحتك مش ترف…صحتك حقّك… وحقّك بإيدك.
#حقك_بايدك #OTVLebanon #OTVNews