مش غريب إنو إختم برنامج "نقطا فاصلي" بموسمو التاني ع شاشة "أو تي في"، الموسم اللي استمر من نهاية أدار 2020 لليوم، إختمو بحلقا رقما 244، عن شاعر انْعدّ أحد روّاد القصيدي اللبنانيي المحكيي، ميشال طراد.
مش حلقة وداع اليوم. حلقا بيتبعا استراحا، قبل ما يبدا برنامج قديم جديد، "رح نبقى هون"، عن تاريخ لبنان. فاصلي زمنيي ومنرجع لنقطا فاصلي، إزا نْكتبلنا عمر.
وبالعودي لميشال طراد، بعد 113 سني ع ولادتو بزحلي، و27 سني ع غيابو… منتزكرو بهـ الحلقا، ومنتوقف عند محطات بارزي من مسيرتو الشعريي الرائدي، ومنقرا من قصايدو الوزَّعا بعمرو ع 9 دواوين، وبيناتن قصيدي غير منشورا بعدا ضمن مخطوطاتو. دواوينو التسعا هني: جلنار، دولاب، ليش، كاس ع شفاف الدني، عربيي مخلعا، الغراب الأعور، عيد الشحادين، وردي بإيد الريح، المركب التايه. كتار من الشُّعرا مشيو ع درب ميشال طراد، أو كتبو عنو مقالات ودراسات، أو ألفو كتب، بس مين أفضل من إبنو، الفنان التشكيلي اللي جسد بلوحاتو حياة بيو، وزحلي والطبيعا اللبنانيي، كأنو عم يترجم قصايد الرسام بالكلمات بريشتو وبالألوان… مين أفضل منّو نستزكر معو ميشال طراد؟
تحت عنوان "الشاعر ميشال طراد" بيرحب "نقطا فاصلي" بنجلو الفنان التشكيلي موسى ميشال طراد. #OTVLebanon #OTVNews
#نقطة_فاصلة
Categories