نقطة فاصلة تحت عنوان "المعلِّم عبدالله" مع الرَّئيس السَّابق لمجلس القضاء الأعلى الدُّكتور غالب غانم
دقّت على صدري وقالتلي افتحو
تَ شوف قلبي انْ كان بعدو مطرحو.
قصيدي للشاعر المعلم عبدالله غانم، ظنو الرحبانيين بالأول إنها من الشعر القديم، قبل ما يستدركو ويعرفو إنها إلو.
وبيكفي يكون شاعر غنتلو فيروز هـ البيتين؟ منو أبدًا شاعر البيتين. هو معلم من بسكنتا، كان يتقن خمس لغات، وكان أستاذ تخرجو ع إيديه كتار، وصارو متلو كبار، وكان صحافي وصاحب مطبوعا ع إسم السند اللي بيتكي عليه: صنين… والأهم كان شاعر مفصلي بالشعر المحكي. وكان وكان… ورجعلنا بعد غياب 66 سني، بكتاب سيرة، يا ريتو هو اللي كتبا، متلما تمنى اللي أصدرا بكتاب، إبنو الدكتور غالب غانم القاضي والأديب ورئيس مجمع اللغا العربيي، واللي مش من زمان كتير كان ضيف "نقطا فاصلي" عن سيرتو الشخصيي الذاتيي "أيام الصفاء والضوضاء".
تحت عنوان "المعلم عبدالله"، بيرحب نقطا فاصلي بالرئيس الدكتور غالب غانم.
#نقطة_فاصلة #OTVLebanon #OTVNews
Categories