لما إنسان ببالك وبالحقيقا، هو واحد، بزغرتو الوقف فيا يخطب ع المنابر والشعر يرحب فيه. ولما هجم الخطر ع لبنان، حمل مع قلمو بارودتو وحارب ونْصاب. ولما قالتلو الحياة أهلا فيك بمعتركي، دخلا من باب الأدب ومن باب القانون، وكان معلم ورجل فكر وكان محامي. ولما شاف الظلم كتير وعم يكتر، بالرّوب الأسود ملى المحاكم مواقف بيضا، ومقاومي للحق. هو الشاعر اللي ببالي وبالحقيقا: الصدق والرقا، السيف واللمعا، الزهرا والعطر، إبن وطى حوب، بتنورين، صاحب تلات دواوين شعريي: "عرس القمح"، و"إشيا بسيطا"، و"قلم من أرز". سرقتو المحاكم من عرس الورق، وصوتو بالقصيدي وع القوس، صوت حق. من كم يوم صدرلو كتاب ضخم جمع فيه أبرز مرافعاتو المتنوعا بقضاياها، تحت عنوان "مرافعات جزائيي".
تحت عنوان "قلم من أرز"، بيرحب "نقطا فاصلي" بالمحامي الشاعر الصَّديق رياض مطر.
#otvlebanon #otvnews #نقطة_فاصلة
Categories