"لبنان قلب الله" عبارا بيرددوها كتار من اللي بيقدسو لبنان، وحتى لو ما كان التفسير المعطى إلا صحيح، فالمتعارف عليه إنو الأسطورا ما بتجي من فراغ، إنما بتكون مرتكزي ع واقع. و"لبنان قلب ألله" كتاب بيصدر السبت 18 كانون التاني، باللغتين العربيي والفرنسيي، عن "دار سائر المشرق"، ت يأكد فيه مؤلفو، ضيف هـ الحلقا من "نقطا فاصلي" اللي بتحمل هـ العنوان، عظمة لبنان وأهميتو عبر التاريخ من خلال 220 شخصية أو معلم حضاري أو حدث تاريخي، نبَّش علين المؤلف مثبتين بمراجع علميي دقيقا، ويا ما حاولت حضارات أو عقايد دينيي طمس حقيقتن أو إغفالا أو نسبتا إلن، كأنو أهل هـ الأرض ما إلن فضل.
وهـ الكتاب باكورة ورشي تثقيفيي توعويي، بتتضمن شرايط مصوَّرا بتقنيِّة الذكا الاصطناعي، ووثائقيات قصيري، بهدف تعميمن ع أهلنا اللي كتار منن بيجهلو شو لبنان، ومين لبنان.
ومين المؤلف؟ منو إلَّا وزير الاتصالات السابق، نائب بيروت، وقبل كل شي الكاتب الصَّديق نقولا الصِّحناوي.
#نقطة_فاصلة #OTVLebanon #OTVNews
Categories