نقطة فاصلة مع الفنان توفيق الحجل تحت عنوان "مراية الأخوت"
يمكن بعض الشعر، وبعض الفنون، ان ما كانت كلا، جنون بجنون. ومين قال إنو الحياة، أو التشبث بالحياة، منن ضروب جنون.
فكيف إزا فنان خوت كلو، وصار يحكي مع حالو ع المرايي، وما نعود نعرف مين المرايي ومين الأخوت، أو يعبي البحر بعلبي، أو يخبي السما بقجي، أو يخيط لفصول السني تياب من كلماتو وقوافيه، أو يحول الكون مسرح لحفلة جنونو، هو وعم يوعي كل ضمير نايم، ويزكر كل واحد منا، إنو في بالدني خير وبركي، وفي أصول ومبادي… مش كلو خلط بخلط.
هـ الخوات، رح يتترجم بحلقة نقطا فاصلي، اليوم، وتحت عنوان "مراية الأخوت"، مع فنان، ابن جل الديب، تعددت مواهبو بين تمثيل وإخراج ورقص دبكي، وبين مسرح وتلفزيون، وعلمتو الحياة كيف يقرا وجوه ويدربا ت يطلع من أصحابا إبداعات، بأكتر من مجال. وعلمتو كيف يتحداها، ويقوى عليا، متلما هو حامل وجعو الغميق، وجروحو الكتيري، ع بسمتو وضحكتو الما فارقو وجو، وجايي ع منبر نقطا فاصلي اللي بيرحب فيه وبخواتو. أهلا بالفنان الصديق توفيق الحجل.
#OTVLebanon #OTVNews
#نقطة_فاصلة
Categories