https://www.youtube.com/watch?v=JJtedAP17Rs
بعد الحريق اجا دور الغريق وتشحشط اللبناني على الطريق… نعمة المطر تحولت لنقمة وغمرت المي كل شي اعترض طريقا مستنقعات مبارح بمختلف المناطق اختفت … وانشغلوا الناس اليوم بلملمت الفوضى اللي احدثتا خاصة بالاوزاعي- السلطان ابراهيم لتكشف عن اضرار لا تعد ولا تحصى
المسألة متل قصة ابريق الزيت وبتتكرر سنويا مع كل شتوي اما المسؤوليات فحدث ولا حرج لسان حال المتضررين لا حول ولا قوة فالخساير كبيرة بالرغم من الوعود بالتعويض بمقلب اخر وعلى خط نفق المطار رصدنا خلال جولتنا الشركة المتعهدة بالصيانة عم تركب مضخات مي جديدة ليبقى السؤال هل فرجت او اللبناني صار على موعد مع الفياضانات كل ما شهد لبنان متساقطات غزيرة؟
Categories