يوم جديد – حماية الأطفال من مخاطر الإنترنت

يوم جديد – حماية الأطفال من مخاطر الإنترنت موضوع اللقاء مع د. نظير حاوي كتار لولاد المشغولين كل الوقت على الانترنت والتكنولوجيا المتطورة متل مواقع التواصل الاجتماعي والألعاب لي بتوفرلن فرص متنوعة بس للأسف بتقترن بمخاطر كتيرة منا ما يرى ومنا ما لا يرى
مخاطر مرتبطة بالعنف والاستغلال والمحتوى المؤذي.
المعضلة الأساسية هيي: كيف لولاد بمارسوا نشاطاتن الكاملة على الإنترنت، ضمن حقن بالخصوصية وحرية التعبير بعيداً عن المخاطر.
بمجرد ما يطلع الولد انلاين بيتعرض حقو بالخصوصية لخطر التطفل.
كل شي بيعملوا لولاد على الإنترنت بيخضع لجمع البيانات وتَتَبُعها بهدف تحقيق الربح منها.
يمكن الشركات عم تجمع بياناتن وتستثمرا؛ ويمكن الأهل والأصحاب عم ينشرو صورن ومعلومات عنن. المفروض الأهل ولولاد تهمن خصوصيتن على الإنترنت وعلى تطبيقات العالم الرقمي، ولازم يكونوا قادرين يقرروا شو هي المعلومات الخاصّة فين يلي ممكن مشاركتها ومع مين.
هيدي قضية صعبة وشائكة وفهما مش هيين وخاصة إنّو جمع البيانات ببللش من لحظة ولادة الطفل، وكمان الطفل ببلش يستخدم الإنترنت بوقت مبكر جدًا من عمرو، وتواصل الأشياء ببعضا البعض عم يتزايد يوم بعد يوم، ف الحجم الهائل للبيانات الرقمية يللي بتم انشائا بالتزامن مع وسائل التكنولجيا المتطورة يللي عم تدرس وتحلل البيانات بتثير أسئلة جديّة. كتار لي عم بطالبوا بإيجاد حلول تحديداً من مؤسسات القطاع الخاص المعنيّة بالخدمات المرتبطة بالعالم الرقمي ومن مؤسسات الدولة من مجلس نواب للقضاء للأمن للصحة للاجتماع.
للأطفال الحق الكامل والغير منقوص في الخصوصية وحماية بياناتهم الشخصية. نظير حاوي #OTVLebanon
#OTVNews