التحرش الجنسي… جريمة وليس عارا”

حقك بإيدك – التحرش الجنسي… جريمة وليس عارا" بعد سنين من المطالبات والصّرخات، وبعدما ازداد عدد النساء اللّي عم يتعرّضوا للتحرش، سواء كان هالتحرش لفظي او باللمس، او عن طريق وسائل التواصل الاجتماعي، ونظرا الى انّو هالمشكلة بتهدّد سلامة الانسان من النواحي النفسية والمعنوية، فضلا عن خسارة العمل، صدر بـ٧ كانون الثاني ٢٠٢١، قانون تجريم التحرّش الجنسي بلبنان لأول مرّة بشكل منفصل ومفصّل. ومن هيداك اليوم، صار بإمكان كل شخص بيتعرّض لفعل التحرّش، انو يتوجّه للمسار القانوني لياخذ حقه ويحاسب الفاعل. ولكن هل عم تتم الأمور بهالسّلاسة بالفعل، خصوصا انو الضحية بتلجأ عادةً الى الكتمان وضبضبة الموضوع رغم قساوته والألم الكبير اللي بيتركه، خوفا من الفضيحة وأحكام الناس اللي ما بترحم؟ ولأنّو السّكوت عن الظّالم هو بمثابة شراكة بالظلم، ولأنّو التوعية على هالموضوع حاجة وضرورة نظرا الى انعكاساتها على الأفراد بالدرجة الأولى، وعلى المجتمع والعلاقات الاجتماعية بالدرجة التانية، خصّصنا حلقة اللّيلة من "حقك بإيدك" لتسليط الضوء على هالآفة ونشر الوعي الفكري والثقافي عن الجنس كغريزة إلها ضوابط أخلاقية وشرعية، من خلال شهادات حياة للصبيتين رانيا حمزة ومايسا الجبّولي، ومشاركة المشرفة التقنية بقسم ادارة حالات العنف القائم على النوع الاجتماعي في منظمة "أبعاد" آمنة خليل، الأخصائية في علم النفس كريستينا حاموش والمحامية في منظمة "كفى" الأستاذة موهانا اسحق. #حقك_بإيدك #OTVLebanon #OTVNews