نقطة فاصلة تحت عنوان "في بيت قاعد ع الدرج برا" مع الشاعر جرمانوس جرمانوس "في بيت قاعد ع الدرج برا"، عنوان ديوانو الـ11، بعد: حطّاب الضَّباب، وخيّاط الميّ، والريح إبره والشتي خيطان، وزهرة القلب، وبسهر أنا وياك لطلوع الحمام، وملقط ع منشر هـ البحر، والليل مهره والقمر خيّال، ويا ريت خلّيت العمر بالبيت، ونوّست تحت القلب ونطرتك، وعيوني ولاد ودمعتي زعتر.
11 ديوان والخير لقدام، من نبع ما بينضب، بيتفجر زهر ملون ومي صافيي، وشوية صخور وسجر، وبيصب بالوجدان وبالقلب، ت يبني عمارة جمال عاليي بالروح.
وإزا كانو دواوينو اللي سبقو تجسيد لـ اللي قالو عنو جوزف حرب بحلقا من نقطا فاصلي سنة 2008: هو آخر حارس للغة الضيعا بين الشعرا، فديوانو الجديد مرثيي طويلي بقصايد متنوعا، بيبكي فيا خيو أمين اللي خطفو الموت بالغربي، وهو بريعان الشباب. مش بس بيبكيه، بيجمِّل البكي والحزن، وبيحولن قوافي ومصدر سعادي شعريي لمن منقراهن.
تحت عنوان "في بيت قاعد ع الدرج برا"، بيسر نقطا فاصلي يستضيف للمرا التانيي الشاعر الصديق جرمانوس جرمانوس، بمناسبة صدور ديوانو اللي بيحمل هـ العنوان.
#نقطة_فاصلة #OTVLebanon #OTVNews
Categories