الحد الأدنى ارتفع… والأسعار طارت!

الحد الأدنى ارتفع… والأسعار طارت!
بلدنا عم يعيش على برميل بارود اقتصادي، وكلّ مرّة منقول يمكن نخلص، بيطلع قرار جديد بيرجع بيكسر ظهر الناس، والعمّال اللبنانيين بشكل خاص. وآخر هالقرارات، رفع الحد الأدنى للأجور للقطاع الخاص لـ28 مليون ليرة يعني ما يعادل حوالي 312 دولار بالشهر. خطوة كتار كانوا ناطرينها بظل الغلاء المعيشي الكبير بهالأيام واللي صار وجع يومي، عبء نفسي، وإهانة لكرامة الناس. ولكن رغم هالشي مش الكل رحّبوا بقرار رفع الحد الأدنى.. وسؤال واحد عم يتردّد عا كل لسان: هل هيك قرار بيريّح المواطن ولا بيزيد الوجع؟ فبمجرّد ما انحكى عن الموضوع وقبل ما يتم اقرارو بمجلس الوزراء، طارت الأسعار، والمحروقات رجعت ارتفعت، وكل يوم في غلاء جديد: من ربطة الخبز لعلبة الدوا. ويبدو انّو الآتي أعظم: فمين قال إنو أصحاب العمل رح يلتزموا؟ ومين بيضمن إنو لقمة العيش ما رح تصير أغلى بعد القرار؟ وليش كل خطوة بتحاول تحسّن حياة المواطن، بتتحوّل لعبء جديد عليه؟ الليلة، رح نحكي عن الواقع بعيون الناس وبأرقام الخبراء مع ضيوفي بالأستوديو:
• نائب رئيس جمعية الصناعيين اللبنانيين الأستاذ جورج نصراوي
• الخبير الاقتصادي الأستاذ أنطوان فرح
• وعبر زوم، رح يكونوا معنا ممثل موزعي المحروقات الأستاذ فادي أبو شقرا ورئيس الاتحاد العمالي العام د. بشارة الأسمر.
#حقك_بإيدك #OTVLebanon #OTVNews