لعشاق السياحة وللمرة الاولى في لبنان الباصات الحمراء المكشوفة وصلت. ما هو مسارها واسعار رحلاتها؟

https://www.youtube.com/watch?v=WxZx-mSfE9I

بوقت اللي اللبناني عم ينطر الاعياد وعطلة الصيفية ليقوم بسفرات سياحية ع مصر وتركيا وبلغاريا وغيرا.. بلبنان مبادرات فردية لتنمية السياحة الداخلية بعد جهد امتد على مدى سنتين قدرت فيفيان وعلى خطى البلدان الاجنبية انها تدخل على لبنان لاول مرة الباصات السياحية الحمرا المكشوفة والمؤلفة من طابقين المعروفة بإسم City Sightseeing Tour Bus
ب 4 ايار الباصات رح تكون جاهزة للتنقل بين مواقع اثرية كتيرة داخل مدينة بيروت الاقبال على المشروع جيد جدا حتى الساعة والتذاكر صارت متاحة للشراء وهيدي هي الاسعار
فيفيان بتأكد انو لبنان فيو معالم سياحية كتيرة بتستحق المشاهدة واكتشافا بطريقة جديدة مريحة وممتعة الى جانب الاصدقاء والسياح وهي كشفت للـ"او تي في" انو هيدا المشروع باقي بلبنان ورح يتوسع من ناحية عدد الباصات والعين بالمرحلة الجايي على كسروان وجبيل