نقطة فاصلة مع الكاتب مازن عبود والباحثة شانيل فياض القسيس

نقطة فاصلة مع الكاتب مازن عبود والباحثة شانيل فياض القسيس "إسمع يا رضا" عنوان حلقة "نقطا فاصلي" مهداة لروح أربعا من كبار أدباءنا اللي شتهرو بالأدب الشعبي، بشكل أو بآخر، مارون عبود بأحاديث القرية، ولحد خاطر بالعادات والتقاليد اللبنانيي، وطبعًا سلام الراسي بحكي قرايا وحكي سرايا، ودزينة كتب غيرو، وأنيس فريحا من "إسمع يا رضا" للقرية اللبنانية حضارة في طريق الزوال، ولسوانح من تحت الخروبي… بس الحلقا مش عنن… عن الأدب الشعبي.
وفضلت إستعين بضيفين بعز الشباب، ت أكد نظرية ارتباط الماضي بالحاضر وبالمستقبل، وإدعي شبابنا اليوم، جيل التكنولوجيا، هني وعم يحققو زاتن، وفق آليات العصر ومتطلبات المدنيي، ما ينسو إنن أبناء حضارا عريقا، وعادات وتقاليد جميلي، وأبناء أصالي مجزرا بالأرض متل السنديان.
ضيفتي صبيي مجتهدي، مربيي، ومن أهم هواياتا التنقل بأرجاء لبنان والتعرف ع كل حبة تراب فيه. بتحمل ماستر باللغا العربيي وآدابا، وهي باحسي، وقريبن بتخلص دكتوراه بكلية الآداب بالجامعا اللبنانيي، موضوعا: صورة المجتمع والإنسان اللبنانيين، بين سلام الراسي وأنيس فريحة، تنظيم العقلية والأخلاق… والعضو بجمعية تجاوز السقافيي، السيدي الصديقا، شانيل فياض القسيس.
وضيفي مستشار برنامج الأمم المتحدي الإنمائي للبيئا – خطة المتوسط، متخصص بإدارة الأعمال والهندسي، وأستاز جامعي، وعضو مجلس إدارة الريجي… فضلن عن كونو كاتب صدرلو لليوم ست كتب، أغلبن بتدور مواضيعن ع الضيعا اللبنانيي، كيف لأ وهو إبن ضيعا من أجمل ضيع لبنان، دوما… واللي سمحت لنفسي إدِّعي إنو بكتابو الأخير "حكايا لطفل كبير"، ما في فرق كتير بينو وبين أنيس فريحا، إلا بالزَّمن… الأستاز الصديق مازن عبود. #OTVLebanon
#OTVNews
#نقطة_فاصلة
لمتابعة آخر التطورات السياسية ومشاهدة جميع برامجنا القديمة والجديدة، إضغط على الرابط أدناه:
otv.com.lb
وتابعونا عبر الحسابات التالية:
Twitter: @OTVLebanon
Instagram: @OTVLebanon
Facebook: www.facebook.com/otv.com.lb/