بالشِّعر اخْتصر حالو، لهلَّق بأربع دواوين، وحاولت إختصرو بقصيدي. بالمسرح ألَّف وكتب وأخرج ومثل أكتر من 50 مسرحيي، ودورو بالحياة دور بطولي. وع الشاشي الزغيري قدَّم حوالى الألف ساعا تلفزيونيِّي، وبقي كبير بكل أدوارو. وبالإذاعا شي 1500 ساعا، والهوا بيحب صوتو وحضورو. هـ العالم المتشعب المتنوع، كلو ملعبو اللي بتجسدو الكلمي والموقف. ابن بر الياس البقاعيي، مارس التعليم المدرسي طويلًا، وبعدين التعليم الجامعي. تخصص بالفنون الجميلي، ونال ع قرب سنّ التقاعد شهادة دكتوراه بالمسرح، موضوعا القناع، وسبب تأخرو، كترة انشغالاتو، وخصوصي ترؤسو نقابة الفنانين بلبنان حوالى 8 سنين.
صدرلو لليوم "كلمات للحب"، "ما حدا متلِك"، "حلم الدني"، "إنتي مرا"، "صلاح تيزاني (أبو سليم) ديللارتيه لبنان".
تحت عنوان "… وما حدا متلو"، بيسر نقطا فاصلي يستضيف نقيب ممثلي المسرح والسينما والإذاعا والتلفزيون، الدكتور الشاعر الصديق جان قسيس. #نقطة_فاصلة #OTVLebanon #OTVNews
Categories