العلم بتطوّر هائل ومستمر، لكن الايمان بالسحر والشعوذة حقيقة لا يمكن الهروب منها، لدرجة انو تحوّل لظاهرة اجتماعية مقلقة وخطيرة خلال السنوات الأخيرة بلبنان، بحسب تقارير قوى الأمن الداخلي، اللي بتؤكد انو هالظاهرة عم تتفشّى بشكل كبير لدى مختلف الفئات الشعبية، إلى جانب طبقات رفيعة المستوى بتلجأ للسحر لتعرف الطالع والمستقبل.
فالإنسان، بغضّ النظر عن جنسه وعرقه وأصله ومكانته، بيآمن بالماورائيات أو الميتافزيا، وانو في قوى خارقة غيبية إلها انعكاسات ومؤشرات على حياته، وبيتفاوت هالإيمان فيها من شعب لشعب، ومن إنسان لإنسان، ومن بيئة لبيئة ومن ثقافة لثقافة، فبوقت عدد كبير من اللبنانيين بيآمنوا بالتبصير والسحر والشعوذة، وبيجزموا بحقائقها وتأثيراتها ونتائجها، كتار من الناس ما بيآمنوا قطعا فيها وبيعتبروها خرافات وبيتّهموا كل اللي بيمارسوا هالطقوس بالتدجيل والاحتيال عالناس واللعب على أوتار احتياجاتن وتمنياتن واحلامن ورغباتن الملحّة.
بحلقة الليلة من "حقك بإيدك" رح نتطرّق لهالظاهرة – الإشكالية، وما اذا كان السحر والشعوذة فعلاً حقيقة، من وين إجوا؟ وشو بيعنوا؟ وكيف بعدون موجودين بحياتنا اليومية والدينية؟! وشو سرّ ولع الناس فيهن؟ وشو طريقة الوقاية منن؟
رحّبوا معي مشاهدينا بضيوفي بالاستديو الليلة: الأب هاني طوق كاهن وأستاذ جامعي ومدرسي، وسماحة العلّامة الشيخ محمد علي الفوعاني، رئيس جمعية (خيراً يَرَهُ الإنسانية)، والمعالجة النفسية نضال صادق، وعبر زوم: الشيخ محمد أحمد المهباني، وأبو فادي، العالم الروحاني والاختصاصي في فك السحر وطرد الأرواح الشريرة. #حقك_بإيدك #OTVLebanon #OTVNews
Categories