Categories
Videos

بعد عام الانهيار.. ماذا ينتظر لبنان في ٢٠٢٢؟



ساعات قليلة بتفصلنا عن بداية عام جديد.. بداية، كلّ اللبنانيّين توّاقين اليوم انّو تكون انطلاقة جديدة إلن ولوطننا لبنان، انطلاقة يترك وراها كل واحد منّا كل مآسيه وخيباتو وأحزانو، وتشكّل بالمقابل، نقطة تحوّل بحياتو، من ماضي قرّر ينساه، لحاضر كلّو أمل واصرار على بناء مستقبل ملىء بالتجارب والنجاحات والانتصارات.. عنوان حلقة الليلة هوّي" لبنان الأمل 2022 "، لأنّو أردناها تكون حلقة مميّزة وكلّها ايجابية وأمل، لنستقبل سوا سنة جديدة، ما تكون بتشبه غيرا من السنوات اللي مرقت.. لأنو ببساطة، ورغم كل الظروف الصعبة اللي عشناها وبعدنا عم نعيشها بالفترة الأخيرة، نحنا مؤمنين انو لبنان راجع أحلا وأقوى ممّا كان، وبإرادة كل اللبنانيين. ومن هالمنطلق، حلقة الليلة رح تكون عمرانة، ورح نستقبل فيا ضيوف بتحبّن الشاشة، نسهر ونضحك معن، بس كمان نتذكّر سوا أهم الأحداث والانجازات اللي شهدها العام 2021 … ذكريات معظمها ما كانت حلوة بس أكيد ما لازم ننسيها، وضروري انو نتعلّم منّا.. ولأنّو ما بيصحّ إلا الصحيح، ما لازم أبداً نفقد الأمل بلبنان أفضل وأحلا… حياتنا كلّها ما إلها معنى من دون الأمل… أملنا ببكرا هو سلاحنا اليوم بمعركة النضال في سبيل ترجع صورة لبنان الحلوة تأكّد انو اللبناني ما بيعرف اليأس او الاستسلام، بل اللبناني قادر بأي لحظة يؤكّد انو "لبنان رح يرجع والحق ما بيموت!" #OTVLebanon
#OTVNews
لمتابعة آخر التطورات السياسية ومشاهدة جميع برامجنا القديمة والجديدة، إضغط على الرابط أدناه:
otv.com.lb
وتابعونا عبر الحسابات التالية:
Twitter: @OTVLebanon
Instagram: @OTVLebanon
Facebook: www.facebook.com/otv.com.lb/

Leave a Reply

Your email address will not be published. Required fields are marked *