حقك بإيدك – نفايات تفرز أموال… مدخول جديد في مواجهة انهيار الليرة

حقك بإيدك – نفايات تفرز أموال… مدخول جديد في مواجهة انهيار الليرة مع وزير البيئة السابق فادي جريصاتي، ورئيس بلدية بيت مري المحامي روي أبو شديد عبر zoom: رئيس بلدية ديرقانون المهندس عدنان قصير، الحاجة زينب مقلّد من عربصاليم، المهندس الياس زيدان من مشروع blue cycle، وغابي كساب صاحب أول شركة في لبنان لتكرير النفايات الالكترونية، المواطن نبيل بشعلاني لديه شركة لتكرير الزيوت المحروقة، تعوّدنا بلبنان نشوف من فترة للتانية، النفايات عم تتكدّس بالشوارع، وتعوّدنا نحكي بالموضوع ونرفع الصوت ونطالب الدولة تحلّ بشكل جذري ونهائي، هالأزمة اللي ما بتقتصر على جبال النفايات، بل بتشمل المكبّات المفتوحة والحرق العشوائي بمناطق سكنية! ولكن للأسف، تعوّدنا كمان إنّو تكون الحلول، اذا وُجدت، مؤقّتة، والنتيجة: المزيد من المعاناة وتكاليف بيئية وصحية واقتصادية مَهُولة عم ندفعها يومياً.
كتار رح يقولوا "وقتا هلق نحكي بالنفايات، بوقت غرقانين بأزمة اقتصادية مالية وسياسية وصحية، وإجتماعية؟
نعم، هلّق وقتا! هلّق وقتا لأنّو من رحم الألم والمعاناة بتولد الانجازات وبيتحقق المستحيل! مش صدفة الاقبال اليوم على فرز النفايات من قبل مواطنين عاديين في مختلف المناطق، كتار بيعرفوا قيمة التفتيش عن "القرش" ولو بكومة من النفايات. نفايات ممكن تشكّل اليوم بهالأوضاع، مصدر دخل للأفراد والعيل، مش بس للشركات والمصانع، بوقت فشلت دولتنا الكريمة باعتماد خطة مستدامة لحلّ مشكلة إدارة النفايات، والاستفادة منها لدعم الاقتصاد اللبناني!
يعني تخايلوا انو البلاستيك، متل قناني الشامبو وسائر أدوات التنظيف وغيرها، بينباع الكيلو منّا بـ5500 ليرة، يعني الطن بـ5 ملايين ونص ليرة لبنانية. طن الكرتون سعرو 4 ملايين ونصف ليرة، الـ150 كيلو نيلون بـ800 ألف ليرة لبنانية. هيدا من دون ما نحكي عن الحديد والزجاج وغيرا.
لأيمتى رح تبقى الجمعيات هي اللي ماسكة زمام المبادرة بهالملف؟ لأيمتى رح تبقى الجهات الرسمية المعنية غائبة عن اتخاذ التدابير المناسبة لوقف التدهور البيئي؟ شو اللي بيمنع دولتنا من انو تاخد هيك قرار استراتيجي بيخلق فرص استثمارية ووظيفية وتوفير مواد خام لمختلف الصناعات؟ وليش ما بيتم إقرار لامركزية النفايات وتزويد البلديات بالمواردِ اللازمة للقيامِ بدورِها بهالاطار؟ #OTVLebanon
#OTVNews
لمتابعة آخر التطورات السياسية ومشاهدة جميع برامجنا القديمة والجديدة، إضغط على الرابط أدناه:
otv.com.lb
وتابعونا عبر الحسابات التالية:
Twitter: @OTVLebanon
Instagram: @OTVLebanon
Facebook: www.facebook.com/otv.com.lb/