نقطة فاصلة مع الاب الراهب يوحنا جحا تحت عنوان “نقض خرافات دينية”

من فيض النور اللي بعدنا عم نتنعم بوهجو، بزمن القيامي المجيد، الممتد ليوم العنصرا، بيطل "نقطا فاصلي"، اليوم بحلقا عنوانا "نقض خرافات دينية". خرافات بترافق خصوصي عيد الفصح المجيد، وأعياد مسيحيي غيرو، البعض بيعتبرا من صلب الإيمان، وهيي إما حديثة التناقل، وإما متوارثة. أما العلم والمنطق فبيخلونا ننظرلا بعين العقل، وما نسمح للخُرافي تسود. ومين غير الراهب اللبناني الباحث الموضوعي الدقيق والعميق، أهل للتصدي لهيك خرافات، من منطلق إيماني بحت، وبمعايير علميي، بإدراكو التام إنّو الإيمان ما بيقوم ع الأساطير؟ راهب كان ضيف نقطا فاصلي بحزيران 2020 بحلقا وضَّح فيا مفاهيم بتتعلق بالنصرانية، اللي هيي المسيحية ومنا مجرد مذهب أو بدعة، وبتتعلق بإسم المسيح، اللي هو يسوع أو عيسى، وما في فرق، وبتتعلق بانتماء الكنيسة المارونية إلى الكنيسة السريانية طقسيًّا، مش أنتروبولوجيًّا ولا عرقيًّا. "نقض خرافات دينية"، موضوع حلقة اليوم، مع الراهب اللبناني الأب يوحنا جحا. #نقطة_فاصلة #OTVLebanon #OTVNews