"شو حلو مبارح… واليوم وبكرا أحلى"، عنوان حلقة نقطا فاصلي، مع قامي إنسانيي وأدبيي وفنيي، صديق معتَّق بيهبّ متل العطر، بيرخّ متل النِّدي، صوتو العالي للحقّ، صوت مصلوب، ما بيضيَّفك إلّا ورد وغار، وكلما عتقت الدِّني بسنينو، بيقلَّك شو حلو مبارح.
وشو حلو هلَّق… نكون سوا من قبل "صباحات الخميس"، بكتير… لعشيّات هاك الصَّباحات، نفقّي الحكي، ونسهر ع فكرا، ونخربط بلمعا، ليل بدّو يسودّ أكتر، ت اللي عاميِتُن العتمي، يلاقو طريقن ع الصِّبح والندي.
هـ الصديق المعتق، الضيف، قول صاحب البيت والقلب، الدكتور الأديب الرسام الخطاط الإستاز الجامعي جورج زكي الحاج، أهلا فيك.
#نقطة_فاصلة #OTVLebanon
#OTVNews
Categories