نقطة فاصلة مع الفنَّان أدهم الدِّمشقيّ تحت عنوان "الفرد الفنانون"
سمَّيت ضيف الحلقا "الفرد الفنَّانون"، وعنونتا هيك. مش لأنو عندو أكتر من شخصيي، أبدًا، بس لأنو شخصيّاتو المتنوعا بين الشعر والمسرح والتعليم والرسم والنحت والمبادرات الجديدي، بتخلّيه يكون مميز وفريد أحيانًا، وبعدو بمطلع شبابو وبعز عطاؤو.
من الفقر والمعاناة اللي جسَّدن كتابيًّا بمنشوراتو المطبوعا: "عرف ديك/حديقة غودو"، "سرير"، "بلا عنوان"، "سكون"، اللي جمع فيه بين الفصحى والعاميي، "لم يلد ذكرًا لم يلد أنثى"، "لو أني الله"… لعشرات الأعمال المسرحيي، خصوصي من لمَّا حوَّل بيتو مسرح وشاركتو إمو بطولة آخر مسرحياتو "صاج"، لعشرات الندوات والمحاضرات والعروض اللي بتداوي مسرحيًّا الألم والقلق، لمقدمات وقراءات نقديي لكتب كبار، لمعارض الرسم… وشو حلو هاك العصفور اللي لما بتقصّ شقفي من جناحو، بيضيّفك بلاد جديدي وسما أعلى.
تحت عنوان "الفرد الفنانون"، بيرحب "نقطا فاصلي"، بحلقتو الـ200، بالشاعر المسرحي الأستاذ الجامعي الفنان التشكيلي الصديق أدهم الدمشقي.
#نقطة_فاصلة #OTVLebanon #OTVNews
Categories