نقطة فاصلة مع فاديا طلب الحاج

نقطة فاصلة مع فاديا طلب الحاج "مسارات غنائيي وموسيقيي من ينابيع الأصالي"، عنوان حلقة الليلي من نقطا فاصلي، عن نجمي لمع صوتا ببالي عم تغني لزياد رحباني وجوزف حرب: ما بعرف مين بالسفر ما بعرف مين حبيت، كنا سوا بسفر، كنا سوا وفليت. وبعد بدايي رحبانيي، صارت وسع سما، تهدي نجوم… برمت الكرا الأرضيي اللي صارت تبرم ع مغزال صوتا. هـ الصوت اللي وصفت بقصيدة المقدمي شو جامع حضارات وشو بيساع. 
‎مسار صوتا واحد… بس مساراتا الموسيقيي كتيري. بنت بيت خلقت مغطوطا باللون والريشي وبالنغم والعلم والصوات اللي ما بتعرف أياه أجمل من التاني، ونقلت ع بيت سقفو الفلسفي، ومفروش بالحب والأمان والمواهب. قال عنا خالا المطران جورج خضر "ترميك إلى سطوع شخصها، فإذا رأيته انتقل إليك". وفينا نقول طلعت مخوّلي. وشريك عمرا الدكتور يوسف كمال الحاج ما كرَّما إلا بالحب ولغة الملايكي، ولبَّسا بهاء الملايكي. وبعدما تابعت مسيرتا الغَنيي، سمَّيتا بنت بطوطا… مش بس لأنا ما خلت مسرح لايق بالدني ما اعتلتو، ولكن لأنو كل ألوان الغنا الراقي حبِّت صوتا وسافرت فيه ع مطارح الجمال كلّا. فاديا طنب الحاج أهلا فيكي ضيفي عزيزي بنقطا فاصلي. #OTVLebanon
#OTVNews
لمتابعة آخر التطورات السياسية ومشاهدة جميع برامجنا القديمة والجديدة، إضغط على الرابط أدناه:
otv.com.lb
وتابعونا عبر الحسابات التالية:
Twitter: @OTVLebanon
Instagram: @OTVLebanon
Facebook: www.facebook.com/otv.com.lb/