توقيع ريفي يدحض اتهاماته المكررة لباسيل والقضاء اللبناني

https://www.youtube.com/watch?v=eekVp2ELnx4

على رغم ادانتو من قبل محكمة المطبوعات بجرائم القدح والذم والتحقير بحق وزير الخارجية جبران باسيل، لا يزال اللواء اشرف ريفي مصراً على مواقفو السابقة، يللي كررها اليوم من سعدنايل.
الا انو كلام وزير العدل السابق بتدحضو وثايق حصلت عليها الـ otv، ومنها الصورة التالية يللي بيظهر فيها توقيع ريفي شخصياً على التبليغ. وبمقابل تكرار ريفي الاشارة او الايحاء بإنو المحاكمة تمت بغيابو ، بتأكد الوقايع إنو تم تبليغو اكتر من تلات مرات، لكنَّو تغيب عن الحضور عن عدة جلسات، لتتم المحاكمة بحضور عدد من المحامين ومن بينن زوجتو، وهوي أمر بتأكدو المحاضر.
,وبهالمجال، بتأكد معلومات الأوتيفي إنو الوكيل القانوني لباسيل موجود خارج لبنان، على عكس ما اورد ريفي بكلامو، علماً إنو الاخير وقع بلغط بين الموضوع يللي تناولو بكلامو، والدعوى يللي صدر فيها الحكم.
مهما يكن من امر، الاكيد انو المسار القضائي مستمر، ووكيل باسيل باشر الاجراءات القانونية بعد تكرار الاتهامات، على رغم قرار القضاء.